Një 63-vjeçar ka rënë në prangat e policisë së Bulqizës, pasi akuzohet për kultivim të lëndëve narkotike.

 

Bëhet me dije se në pranga ka rënë shtetasi Hajri Lika 63 vjeç, banues në Bulqizë, i cili është arrestuar në flagrancë.

 

Policia njofton se në një zonë të pyllëzuar, në fshatin Golovisht, njësia Administrative Gjoricë janë gjetur të kultivuara disa bimë të dyshuara narkotike canabis sativa, të cilat u asgjësuan me anë të djegies, në tokën që i përkiste 63-vjeçarit.

 

Materialet procedurale në ngarkim të shtetasve të lartpërmendur iu referuan Prokurorisë, për veprime të mëtejshme.