“Të ralla janë qytetet që e kanë ruajtur strukturën e ndërtimit organik në raport me ambientin, rrjedhat e ujërave, malet që e rrethojnë dhe në raport me vetveten. I tillë është Berati, e tillë është Qendra Historike e Prizrenit, po edhe qyteti i Amasjas në Turqi. Të ftuar nga kryebashkiaku i Amasjas, bashkë edhe me delegacionin nga qyteti i Beratit, kemi ardhur në vizitë studimore në qytetin Amasja për të shkëmbyer përvoja për aplikim në UNESCO. Së bashku me kryebashkiakun e Beratit, z.Petrit Sinaj dhe kryetarin e Amasjas, z.Cafer Ozdemir, do të diskutojmë për ruajtjen e monumenteve të trashëgimisë kulturore si dhe sfidat e aplikimit për në UNESCO”, ka shkruar në facebook Kryetari i Prizrenit, Mytaher Haskuka.
