Kryeministri Edi Rama është përfshirë në replika të ndërsjellta me delegacionin rus gjatë kryesimit të mbledhjes së Këshillit të Sigurimit në OKB. Delegacioni rus ka kundërshtuar vendimin e Ramës për t’i dhënë fjalën presidentit ukrainas, Vlodmymyr Zelensky, para vendeve anëtare.
“Zoti President, u nxituat të thoni, pra u vendos. Kemi dy pyetje. Së pari, e mbi të gjitha, duam t’iu pyesim, mbi ç’bazë propozoni që t’i jepni presidentit të Ukrainës, Volodymyr Zelensky, fjalës përpara se të flasin anëtarët e Këshillit të Sigurimit, shumica prej të cilëve, përfaqëson po kështu në nivel të krerëve të shteteve dhe qeverive. Pyetja e dytë që sdua të bëj, me ç’bazë ftoni ju ministrin e Jashtëm të Maqedonisë së Veriut, në takimin e sotmë, në cilësinë e kryetarit të OSBE-së”, pretendoi delegacioni rus.
I menjëhershëm ishte dhe reagimi i Ramës, i cili nënvizoi se procedurat nuk shpiken nga ai, por janë të paracaktuara. Gjithashtu, Rama iu drejtua delegacionit rus duke i thënë që të ndalojë luftën, në mënyrë që Zelensky të mos duhet të mbajë fjalim.
Shqipëria, përfaqësuar nga kryeministr Rama, drejton sot seancën në Këshillin e Sigurimit në OKB, në Nju Jork.