Gratë naftëtare të Uzinës së Ballshit kanë hyrë në ditën e trembëdhjetë të grevës së urisë.

Ato thonë se nuk do të dalin nga greva e urisë pa marrë trembëdhjetë pagat e prapambetura të cilat shprehen se i kanë fituar me gjyq.

Ato i bëjnë thirrje kryeministrit të dëgjojë zërin e tyre përndryshe do të qëndrojnë atyre deri në vdekje.

Gratë naftëtare i kërkojnë deputeteve të parlamentit që të shikojnë se në çfarë gjendje janë ato.

“Zëri ynë nuk po dëgjohet. Nuk e dimë çfarë presin që të na japin një zgjidhje. Nuk dalim që këtu. Do të rrimë deri në vdekje. Fëmijët i kemi lënë në shtëpi na shikojnë vetëm nga televizori.

Përditë po ndihemi më të dobëta. Nuk jemi gra për show, luftojmë për bukën e fëmijëve.

Zoti kryeministër jepi zgjidhje këtyre grave. Vërtetë thotë është privat me privat por ai është rregullator. Të kthehet në qeveri humaniste për nënat”, shprehen gratë naftwtare.

Subscribe kanalin tonë në Youtube për të mos humbur asnjë video të re