Kryetari i Bashkisë së Tepelenës, Tërmet Peçi, ka vijuar takimet
elektorale në kuadër të zgjedhjeve lokale, të cilat sipas mazhorancës do
të zhvillohen më 30 qershor.
Por, ajo që ka tërhequr më shumë vëmendje nga ky takim nuk kanë qenë
premtimet apo përmbledhje e rezultateve të mandatit të tij, por vendi ku
është zhvilluar takimi, në kishë.
Përmes një postimi në rrjetet sociale, Peçi rrëfen se çfarë u
diskutua me qytetarët , ndërsa rrëfen dhe punët që do të bëjë në
mandatin e tij të ardhshëm.