Prokuroria e Përgjithshme ka bërë një pasqyrë të të gjitha çështjeve të nisura përsa i përket krimeve zgjedhore për zgjedhjet lokale të mbajtuara më 14 maj.
Në bilancin e paraqitur rezultojnë në total 18 kallëzime penale, ku pjesën më të madhe e mban Elbasani me 5 prej tyre. Ndërkohë, 4 kallëzime janë depozituar për Vlorën, 3 në Durrës, Kukës dhe Gjirokastër, 2 në Fier, Dibër dhe Tiranë si dhe nga kallëzim penal në Korçë, Shkodër dhe Sarandë.
Prokuroria ka vendosur mosfillim të hetimeve për 3 kallëzime penale, prej të cilave 2 nga Dibra dhe 1 nga Gjirokastra. Kujtojmë se në Dibër u shoqëruan në polici një grup të rinjsh, të cilat u dyshuan se po shpërndanin para për të blerë vota në një pallat.
Policia ka arrestuar në flagrancë për krime zgjedhore 6 persona, prej të cilëve 2 në Sarandë, 2 në Tiranë, 2 në Vlorë.
Ndërkohë në burg është lënë vetëm kandidati i opozitës për Himarën, Fredi Beleri, nën akuzë për shitblerje votash.
