Duket se zgjedhjet në Mal të Zi i kanë dhënë fund drejtimit gati prej tre dekadash të Milo Gjukanoviç, paçka thirrjeve të shumta, edhe në rajoni, për ta votuar presidentin legjendar malazez.
Mbajtësi i listës “Për Ardhmërinë e Malit të Zi”, dravko Krivokapiç tha në një konferencë për shtyp në selinë e zgjedhjeve se liria kishte ndodhur.
“Pas pritjes për 31 vjet pushtet absolut, kjo duhet të ketë ndodhur. 42 deputetë i përkasin opozitës dhe 39 të gjithë të tjerëve, sipas rezultateve të deritanishme.
Ne do ta ndërtojmë të ardhmen e Malit të Zi për të gjithë në mënyrë të barabartë, qëllimi ynë i parë është të japim një dorë pajtimi, sepse kjo duhet të jetë baza. Ne ua ofrojmë të gjithëve, sepse pa dorën e pajtimit nuk ka një Mal të Zi cilësor. Ne ofrojmë atë që është e natyrshme, që të gjitha palët nacionale t’i afrohen fituesit, jo sepse ne duam të kemi dikë me ne, por sepse nuk mund ta ndërtojmë Malin e Zi ndryshe, ajo është nëna e të gjithëve ne”, tha Krivokapiç.
Duke iu referuar çështjes më të nxehtë, asaj e cila ka ndikuar në rezultat –Ligjit për Fenë – kundërshtuar ashpër nga Kisha Serbe dhe filoserbët në politikë, ai tha se të gjithë partnerët e tyre do të bien dakord të hartojnë një ligj të ri mbi lirinë e fesë që do t’i përshtatet të gjithëve, si kishës ashtu edhe shtetit, dhe theksoi se ata do të respektonin Kushtetutën.
