Për Joe Biden, Pensilvania është një betejë personale. Vendlindja e tij, Scranton luan një rol qëndror në identitetin e tij si “Scranton Joe”.
Ekspertët e fushatës së Biden presin që kandidati demokrat ta fitojë Pensilvaninë me një diferencë të “konsiderueshme” kur të gjitha votat të numërohen.
Nëse kjo realizohet, do të ishte shpërblimi më i mirë për shumë udhëtime të Biden në Keystone gjatë fushatës së tij, të cilën ai e nisi dhe e mbylli në Pensilvani. Po ashtu, Biden kaloi pothuajse të gjithë të dielën, të hënën dhe ditën e zgjedhjeve në Pensilvani.
Pikërisht, në Ditën e Zgjedhjeve, ndalesat e Biden kishin një kthesë nostalgjike, pasi ai kaloi nga shtëpia e tij e fëmijërisë në Scranton, si dhe në vendet e tjera të preferuara në qytetin e tij të lindjes.
Biden dhe Trump kanë qenë “kokë më kokë” në Pensilvani, por azhornimi i ri i të dhënave përfundimtare nuk është bërë ende. Shteti ka 20 vota të kolegjit elektoral dhe nëse Biden fiton, ai do të fitonte presidencën dhe do të ishte kreu i ri i shtëpisë së bardhë.
Sipas Fox News momentalisht Biden ka një avantazh prej pothuajse 20 mijë votash, pas numërimit të atyre me postë.
/faxweb