Me afrimin e zgjedhjeve parlamentare të vitit 2025, krerët e partive kryesore në vend duket se kanë nisur fushatën e tyre elektorale me diasporën shqiptare nëpër botë.
Kryetari i Partisë Demokratikes, Sali Berisha, përmes një postimi në Facebook, njoftoi për zhvillimin e një takimi virtual me shqiptarët e Londrës.
Takimi do të bëhet ditën e diel 17 nëntor.
“Ky takim është një mundësi e shkëlqyer për të gjithë shqiptarët e diasporës që të bëhen pjesë e diskutimeve tona mbi çështjet e rëndësishme për të ardhmen e Shqipërisë”, shkruan Berisha, i cili ndodhet në arrest shtëpie.
Edhe kryeministri Edi Rama ka planifikuar takim me shqiptarët e Londrës.
Rama do të takohet me shqiptarët e diasporës një javë pas takimit të Berishës. Rama ka njoftuar takim të dielën e 24 nëntorit, ora 12:00.
