Një i ri nga Libohova, në rrethin e Gjirokastrës është zhdukur në rrethana misterioze prej më shumë se një jave dhe nuk ka asnjë gjurmë mbi vendndodhjen e tij.
Banorët e zonës tregojnë se hera e fundit kur është parë i riu ka qenë 8 ditë më parë, duke hipur në një makinë në fshatin Sofratikë, Dropull.
Humbja e të riut është denoncuar në polici, por deri më tani nuk ka asnjë informacion.
Mësohet se 17-vjeçari Izet Tosuni, punonte si bari në fshatrat e Dropullit.
Policia e Gjirokastrës e ka shpallur në kërkim dhe thuhet se i riu vuan nga probleme të shëndetit mendor por deri më tani nuk ka asnjë informacion.
Mësohet se 17-vjeçari jetonte në kushte të vështira ekonomike.