Me presionin në rritje të bashkësisë ndërkombëtare për të frenuar një numër rekord zjarresh në Amazona, presidenti brazilian Jair Bolsonaro mund të dërgojë një ushtri për t’u marrë me stuhinë e zjarrit, raporton AP.
Ai konfirmoi që ky ishte plani i tij, por nuk specifikoi kur forcat e armatosura do të angazhohen në luftimin e zjarrit. Megjithatë, ai tregoi se mund të jetë së shpejti.
Më parë, Komandanti i Forcave të Armatosura të Brazilit, gjeneral Edson Leal Pujol kishte thënë se ushtria braziliane ishte e gatshme të mbronte pyjet e Amazonës.
Bolsonaro më parë ka përshkruar mbrojtjen e pyjeve si një pengesë për zhvillimin ekonomik, duke luftuar me kritikët që pretenduan se Amazonia prodhon sasi të mëdha të oksigjenit dhe shihet si kryesore në përpjekjet për të frenuar ngrohjen globale, raporton AP.
Ndërkohë, protestuesit u mblodhën para ambasadave braziliane në Paris, Londër dhe Gjenevë për të nxitur Brazilin të bënte më shumë për të luftuar zjarret.
Fqinjët e Bolivisë dhe Paraguajit gjithashtu luftuan për të parandaluar zjarret që gëlltitën pyje dhe fusha.
