Skip to content

Zjarret në Dropull e Finiq, Greqia i përgjigjet Shqipërisë me dy avionë, në kohë rekord

Ndajeni këtë artikull me të tjerë duke klikuar ikonat më poshtë

Pas shuarjes së zjarreve në ishullin e Sazanit dhe Malin e Çikës, Greqia i është përgjigjur në mënyrë të menjëhershme kërkesës së bërë nga Shqipëria në Mekanizmin e Mbrojtjes Civile të Bashkimit Evropian.

 

Agjencia e Mbrojtjes Civile shqiptare njofton se falë punës së palodhur të strukturave të mbrojtjes civile dhe reagimit të shpejtë të fqinjëve tanë grekë me dy avionë PZL M18 u bë e mundur shuarja e zjarrit në zonën e Dropullit dhe shmangia e rrezikut për banesat.

 

Aktualisht dy avionët grekë po ndihmojnë forcat zjarrfikëse dhe strukturat e Mbrojtjes Civile për shuarjen e zjarrit në bashkinë Finiq.

 

Mekanizmi i Mbrojtjes Civile Evropiane ka përqendruar në Greqi një pjesë të resurseve të tij, për t’u ardhur në ndihmë shteteve evropiane në periudhën e verës, kur edhe risku nga zjarret është i lartë.

Ndajeni këtë artikull me të tjerë duke klikuar ikonat më poshtë