Zjarrfikësit punuan gjatë gjithë natës për të shuar flakët, zjarri në kodrat e Elbasanit mund të jetë i qëllimshëm

Kodrat në vendin e quajtur ‘Lugat’, të Njësisë Administrative Shushicë, Elbasan, janë përfshirë nga flakët. Pavaresisht se terreni ishte i vështirë dhe malor forcat zjarrfikëse të Elbasanit arritën që të mberrinin në vendin ku ra zjarri dhe të bënin të mundur shuarjen e tij.

Sipas informacioneve paraprake nga konstatimi në vendngjarje dyshohet se zjarri është i qëllimshëm por deri më tani nuk ka asnjë informacion nga DVP Elbasan për të shoqëruar apo për shkaqet e zjarrit.