Ministri i Brendshëm Taulant Balla është nisur drejt Lushnjës, për të monitoruar nga afër situatën e zjarrit në Zhamë, ku aktualisht ndodhet dhe deputeti Saimir Korreshi.
Flakët e zjarrit në Zhamë të Lushnjës, po përhapen me shpejtësi duke djegur ullishte e shkurre. Burimet bëjnë me dije se zjarri ka ardhur nga kodrat e Peqinit dhe era e fortë i ka shtyre drejt Zhamës. Në vendngjarje ndodhen dy mjete zjarrëfikëse të ndihmuara dhe nga banorë të zonës ndërkohë që janë kërkuar përforcime nga Fieri, Divjaka dhe Berati. Vatra e zjarrit vijon të jetë aktive në pikën më të lartë të kodrave të Dushkut.
