Violeta jetonte në kushte tepër të rënda në fshatin Vidhas të Elbasanit. Prej 5 vitesh i shoqi i kishte ndërruar jetë, ndërsa kjo nënë heroinë i rriti mes sakrificave dy djemtë.
“Shqiptarët për Shqiptarët” e gëzuan me një lajm të madh nënë Violetën, duke i bërë me një shtëpi të re.
Pas dhuratës së madhe, Elvis Naçi shpjegoi se shtëpia ndodhej në zonën e plazhit në Durrës. Një shtëpi me të gjitha kushtet, e cila ishte dhuruar nga një shqiptar me zemrën e bardhë.
Elvisi tregoi se zotëria me emrin Mehdi, kishte vendosur të dhuronte banesën e tij për një familje në nevojë. “Shqiptarët për Shqiptarët” e çuan amanetin e tij në fund, duke i sjellë një gëzim të madh një nëne që prej vitesh jetonte në skamje.
“Gëzuam një familje, kush gëzon jetimin e gëzoftë i madhi Zot. Ai person që dhuroi shtëpinë, po i them vetëm emrin, është zotni Mehdiu. Është i Tiranës. Është në moshë pak të thyer e na tha se nuk e shfrytëzonte më shtëpinë, në zonën e plazhit në Durrës. Prandaj bëja shaka me atë djalë që i ka ndërruar jetë babai, a di not se ja tek e ke detin. E kush mund ta meritojë më shumë një shtëpi, sesa jetimët.
Zotni Mehdiu, Zoti ja shpërbleftë… nganjëherë nga ngarkesa jonë me programin, më mori një ditë në telefon e më tha “hë mo Elvis, çfarë u bë me shtëpinë”. I thoja për pak durim, se ishim në kërkim për një familje me jetimë. “A do e bësh apo jo” më thoshte, e me shaka shtonte “se unë sot jam e nesër jo”. E kishte me merak shumë, se jemi dhe miq me të. Mundëm ta realizojmë dhe Zoti ja shpërbleftë se është gjë e madhe ajo që ka bërë“-rrëfeu Elvisi.
