Majtisti dhe ish-guerili Gustavo Petro u zgjodh në zgjedhjet e së dielës si presidenti i ri i Kolumbisë, i pari në historinë kolumbiane nga radhët e së majtës.
Ish-anëtari i lëvizjes guerile M-19 fitoi 50,5 për qind të votave, ndërsa kundërshtari i tij, i pavaruri Rodolfo Hernandez, morri 47,3 për qind.
Gjashtëdhjetë e dy vjeçari Petro morri një fitore kaq të papritur bindëse zgjedhore, me një diferencë prej 716 890 votash. Në sondazhet parazgjedhore dy kandidatët ishin pothuajse të barabartë.
Senatori dhe ish-kryebashkiaku i kryeqytetit Bogota fitoi në përpjekjen e tretë dhe në fushatë premtoi se do të luftojë pabarazinë me arsimin universitar falas, reformat e sistemit të pensioneve dhe taksat e larta për tokën joproduktive.
Ai propozoi gjithashtu ndalimin e projekteve të reja të naftës dhe njoftoi zbatimin e një marrëveshjeje paqeje me grupin rebel FARC dhe negociatat me grupin gueril ELN.
Më tej, France Marquez do jetë nënpresidente, duke u bërë gruaja e parë me ngjyrë që mban këtë post në historinë kolumbiane.
Hernandez, një manjate e çuditshme ndërtimi dhe ish-kryetare e bashkisë së Bucaramanga-s, ishte surpriza e zgjedhjeve të këtij viti. Ajo premtoi një aparat më të vogël shtetëror dhe financim të programeve sociale duke ndaluar korrupsionin.
Edhe pse shpalli luftën kundër korrupsionit, vetë Hernandez është nën hetim me dyshimin se ka ndërhyrë në një tender publik për depozitimin e mbetjeve për të siguruar një vend pune për kompaninë për të cilën loboi djali i saj Aajo pretendon se akuzat janë të pabaza.
