Zëvendëspresidentja e SHBA-së, Kamala Harris do të marrë pjesë në funeralin e Tire Nichols me prejardhje afrikane, i cili u rrah nga policia më 7 janar dhe ndërroi jetë 3 ditë më vonë në spitalin ku u dërgua.
Avokati i familjes, Ben Crump tha se nëna e Nichols, RowVaughn Wells dhe njerku Rodney Wells folën me Harris në telefon më shumë se 30 minuta dhe e ftuan atë në funeralin e tij sot.
Duke thënë se Harris foli privatisht me nënën e Nichols-it, Crumps tha se familja e falënderoi Harrisin për ndjeshmërinë e saj.
Crump tha se ai do të “thirrte për veprim” në lidhje me rrahjen brutale nga policia që shkaktoi vdekjen e Nichols-it.
Ndërkohë, më 27 janar, Harris i bëri thirrje Kongresit që “urgjentisht” të miratojë ligjin e reformës së policisë, “Ligjin e Policisë së George Floyd”.
“Për të nderuar kujtimin e Tire Nichols-it dhe shumë para tij, ne duhet të kërkojmë që sistemi ynë i drejtësisë t’i jep drejtësi emrit të tij”, tha Harris.
Ngjarja
Tire Nichols, 29-vjeç, i cili punon si shofer FedEx në Memphis, Tennessee, SHBA, u ndalua nga policia më 7 janar për “ngasje të pamatur”, u nxor nga automjeti i tij dhe u rrah brutalisht gjatë procesit të ndalimit.
I riu që policia la rreth 30 minuta pas rrahjes pa asnjë ndihmë mjekësore, madje edhe zjarrfikësit dhe ndihma e shpejtë të cilët erdhën në vendngjarje brenda 10 minutave pas përfundimit të dhunës, nuk i dhanë asnjë ndihmë mjekësore Nichols-it.
I riu me prejardhje afrikane, i cili më pas u dërgua në spital, ndërroi jetë 3 ditë më vonë nga gjakderdhja e tepërt.
Protesta u mbajtën në Boston, Çikago, Detroit, New York dhe Portland pas publikimit të pamjeve të rrahjes së Nichols-it.
Departamenti i Policisë në Memphis pezulloi 7 oficerë të policisë të përfshirë në incident ndërsa 3 zjarrfikës u pushuan nga puna.
Burimi: AA
