Izraeli sulmoi Iranin me sulme ajrore natën në të gdhirë të kësaj së premteje.
Forcat Mbrojtëse të Izraelit (IDF) deklaruan në një deklaratë zyrtare se nisën një “sulm të saktë dhe parandalues” në Iran, “me qëllim dëmtimin e programit bërthamor të Iranit dhe në përgjigje të agresionit të vazhdueshëm të regjimit iranian kundër Izraelit”.
“Dhjetëra avionë të Forcave Ajrore Izraelite përfunduan së fundmi një sulm fillestar, i cili përfshinte sulme në dhjetëra objektiva ushtarake, duke përfshirë vende të lidhura me armët bërthamore në zona të ndryshme të Iranit“, tha IDF.
“Publikut i kërkohet të ndjekë udhëzimet e Komandës së Brendshme të IDF-së, të cilat do të përditësohen sipas nevojës, dhe të veprojë me qetësi dhe përgjegjësi. IDF-ja dhe autoritetet përkatëse janë të përgatitura për një gamë të gjerë skenarësh mbrojtës dhe ofensivë që mund të kërkohen”, tha ushtria.
Footage circulating online shows damaged buildings following Israel’s attack on Tehran early Friday.
Israeli strikes on residential buildings in the Iranian capital killed civilians, including children, Iranian state media said pic.twitter.com/gfTKOhmYM0
— Middle East Eye (@MiddleEastEye) June 13, 2025
Irani ka dy objekte bërthamore nëntokësore, në Ford dhe Natanz, dhe ka ndërtuar tunele në malet pranë Natanzit që kur dyshohet se sulmet sabotuese izraelite kanë synuar objektin.
ویدیویی از منطقه اقدسیه تهران pic.twitter.com/al1CPt5WTB
— cia shirazi (@ciatexas1957) June 13, 2025
Operacioni është në proces
Duke iu drejtuar zyrtarëve të lartë të IDF-së përpara sulmit ndaj Iranit, ministri i Mbrojtjes Israel Katz tha se ushtria kishte zhvilluar “aftësi të jashtëzakonshme” për operacionin.
“Me marrjen e detyrës, e bëra pengimin e ambicieve bërthamore të Iranit përparësinë time kryesore”, tha Katz.
“Irani është më i vendosur se kurrë për të realizuar vizionin e tij për shkatërrimin e Izraelit. Jemi në një pikë kritike; nëse nuk e arrijmë, nuk do të kemi asnjë mënyrë për ta parandaluar Iranin të pajiset me armë bërthamore që kërcënojnë vetë ekzistencën tonë”, tha ai.
“Gjatë një viti e gjysmë të kaluar, kemi pasur të bëjmë me përfaqësues iranianë, por tani po përballemi me kokën e gjarprit”, vazhdoi Katz.
“Gjatë viteve, dhe veçanërisht në muajt e fundit, IDF ka ndërtuar aftësi të jashtëzakonshme në inteligjencën dhe aktivitetet operative, si mbrojtëse ashtu edhe ofensive, gjë që na lejon të adresojmë në mënyrë efektive sfidat kryesore me të cilat përballemi”, shtoi ai.
The IDF releases footage showing Israeli Air Force fighter jets heading out for the strikes in Iran this morning, as well as landing following the attacks. pic.twitter.com/1xbif5i8gK
— Emanuel (Mannie) Fabian (@manniefabian) June 13, 2025
Edhe Netanyahu foli gjithashtu
Sulmi fillestar i papritur i Izraelit ndaj Iranit ishte “shumë i suksesshëm”, tha kryeministri Benjamin Netanyahu.
“Ne sulmuam komandën e lartë, sulmuam shkencëtarët e lartë që po përparojnë zhvillimin e armëve bërthamore, sulmuam instalimet bërthamore”, tha ai në një deklaratë video, i ulur pranë Ministrit të mbrojtjes Israel Katz, ministrit të Çështjeve Strategjike Ron Dermer, ministrit të Financave Bezalel Smotrich, kryetarit të Partisë Shas Aryeh Deri dhe ministrit të Sigurisë Kombëtare Itamar Ben Gvir.
“Ne po grumbullojmë suksese”, vazhdon ai, “por unë e di, dhe ju e dini, nuk ka luftëra të lehta”.
Izraelitëve mund t’u duhet të kalojnë “periudha shumë më të gjata në strehimore sesa janë mësuar”. /tesheshi.com/
