Mjeku Edmond Gashi, i cili doli fshehurazi nga gjykata dhe u largua me vrap pasi togat e zeza i caktuan masën e sigurisë “arrest shtëpie”, mësohet se kishte shkuar në një lokal pas “arratisjes”.
Ndërkohë ndaj doktorit 47-vjeçar është ngritur akuza për veprën penale “Largimi i të burgosurit nga vendi i qëndrimit”. Mjeku akuzohet se shkelur masën e sigurisë “Arrest në shtëpi”, duke dalë jashtë banesës,
Gjithashtu e ka pësuar edhe një 22 vjeçar me iniciale E. S., i cili ka fshehur DVR-në me pamjet filmike nga lokali ku ka qëndruar mjeku Edmond Gashi.
Njoftimi i policisë:
Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. G., 47 vjeç, banues në Tiranë, për veprën penale “Largimi i të burgosurit nga vendi i qëndrimit”, dhe për shtetasin E. S., 22 vjeç, banues në Tiranë, për veprën penale “Veprime që pengojnë zbulimin e së vërtetës”.
Shtetasi E. G. ka thyer shkelur masën e sigurisë “Arrest në shtëpi”, duke dalë jashtë banesës, ndërsa shtetasi E. S. ka fshehur DVR-në me pamjet filmike nga lokali ku ka qëndruar shtetasi E. G.
