Ka nisur me një ngjarje të rëndë mëngjesi i kësaj të shtune në qytetin e Vlorës, ku një 54-vjeçare është hedhur nga kati i pestë i pallatit dhe ka ndërruar jetë menjëherë.
Mësohet se shtetasja P.B., 54 vjeç, vuante nga depresioni dhe dyshohet se është hedhur nga banesa e saj nga kati i pestë i pallatit ku banonte e vetme ku si pasojë ka ndërruar jetë.
Njoftimi i Policisë: Më datë 26.09.2020, në lagjen “Pavarsia 2”, është konstatuar pa shenja jete shtetasja P.B., 54 vjeç, banuese në Vlorë. Kjo shtetase dyshohet se vuante nga depresioni dhe dyshohet se është hedhur nga banesa e saj nga kati i pestë i pallatit ku banonte e vetme ku si pasojë ka ndërruar jetë.
Në vendngjarje ndodhet grupi hetimor dhe po punon për zbardhjen e plotë të ngjarjes.
