Xhoel Mezani ka firmosur me skuadrën e Empolit U16 pasi ia ka dalë të bindë stafin teknik të italianëve falë vlerave të treguara në stërvitje.
Ai është gjithashtu edhe pjesë e moshave të kombëtares së Shqipërisë.
Kujtojmë se Empoli iu ka dhënë shumë hapësirë të rinjve shqiptarë duke nisur nga Kristjan Asllani, Nedim Bajrami, Stiven Shpendi apo Ardian Ismajli. Edhe mbrojtësi 16-vjeçar do të tentojë kështu të ndjekë rrugën e futbollistëve shqiptarë që kanë bërë karrierë në Itali.
