Vëllai i Leo Roçit, 34-vjeçarit, i cili rezulton i zhdukur prej orëve të para të mëngjesit të 21-majit në kufirin serbo – kroat, është shprehur se sendet e vëllait të tij janë dorëzuar në një komisariat në serbi, nga bashkëshortja e një çobani që i ka gjetur.
Në komisariat janë paratë që ai ka pasur me vete, telefonin dhe pasaporta e tij.
Ai në emisionin “Me zemër të hapur” të moderatores Evis Ahmeti shprehet se me zor kanë mundur të bëjnë një denoncim në Serbi dhe se autoritetet atje i kanë ofruar të marrin sendet, por këta nuk kanë pranuar duke thënë se ia lënë autoriteteve shqiptare të merren me këtë.
“Ata na dhanë firmosni dhe merrni sendet e vëllait, por ne nuk pranuam t’i merrnim. Ne kemi arrit të bëjmë një denoncim. Thjesht i kanë marrë pasaportën mamit tim, i anë bërë disa fotokopje dhe na thënë ikni se është bërë denoncimi.
Nuk kam pas asnjëlloj komunikimi me shoferin e taksisë, sepse nuk e di kush është.
Askush nuk më ka treguar mua ku janë gjetur sendet e vëllait. Pasaporta, paratë dhe telefoni janë gjetur dhe janë dorëzuar në komisariat.
Unë refuzoj ti marr këta, sepse ai kam lënë shtetit shqiptar,” shprehet fillimisht ai.
Sipas autoriteteve kroate, 34-vjeçari nuk rezulton të ketë kaluar në territorin e tyre, ndërsa vëllai thekson se në një bisedë me një polic serb, ky i fundit i ka konfirmuar se Leo Roçi nuk është i arrestuar.
“Unë kam folur edhe ambasadën shqiptare në Beograd dhe më thanë që kemi bërë kërkesat dhe po presim përgjigje.
Unë nuk kam vajtur atje te çobani, i cili ka gjetur sendet e vëllait, sepse ai i ka sjellë në këtë komisariat.
Mendja nga nuk shkon, por nuk e di se cfarë mund t’i këtë ndodhur. Ky polici këtu në serbi me ka thënë se ai nuk është i arrestuar këtu” shtoi ai.
