Sëmundjet kronike të mushkërive dhe të rrugëve të frymëmarrjes hasen më tepër në stinën e dimrit, ku edhe temperaturat janë të ulëta.
Për këtë arsye, gjendja shëndetësore e personave që vuajnë nga sëmundje kronike të mushkërive në dimër mund të përkeqësohet.
Sipas mjekëve, personat që vuajnë nga sëmundje kronike të mushkërive, nëse nuk tregohen të kujdesshëm, nuk mund të kalojnë një dimër pa probleme. Arsyet? Ndjeshmëria e lartë e organizmit të tyre ndaj luhatjeve të temperaturave të mjedisit dhe niveli i lartë i ndotjes së tij. Pakujdesi të vogla në dukje mund të çojnë në rëndim të gjendjes së pacientit.
Sëmundjet e mushkërive (bronkitet, sëmundja e ngushtimit të bronkeve etj) janë karakteristikë për moshat e mëdha dhe për shkak të uljes së rezistencës së organizmit të tyre në përgjithësi, këto mosha janë të ndjeshme ndaj luhatjeve të temperaturave të mjedisit dhe nivelit të lartë të ndotjes së tij.
Temperaturat e ulëta, ndryshimet atmosferike, ndotja e mjedisit janë faktorë risku për keqësimin e sëmundjes, duke përfshirë këtu dhe pirjen e duhanit, praninë e sëmundjeve të zemrës dhe hipertensionit, diabetit, etj.
Simptomat
Kolla shpeshtohet, bëhet më e fortë dhe shoqërohet me shtim të sasisë së gëlbazës, e cila trashet dhe nxirret me vështirësi. Marrja e frymës rëndohet, frymëmarrja bëhet e sipërfaqshme dhe shpeshtohet, duke u shoqëruar me interesim të muskujve të kraharorit. Kjo është arsyeja që shpesh pacientët ankohen edhe për dhimbje gjoksi e shpatullash. Të sëmurët janë në ankth, kanë ndjenjën sikur po mbyten.
Në fytyrë sidomos në buzë, shfaqet mavijosja që vjen si pasojë e anomalisë së shkëmbimit të gazrave, me pakësim të oksigjenit në gjak dhe shtim të gazit karbonik. Si pasojë e ajrimit të ulur, të sëmurët janë të lodhur, të përgjumur, ankohen për dhimbje koke, por herë-herë janë të shqetësuar dhe shfaqin turbullime të vetëdijes. Komplikacionet janë të ndryshme, që nga bronkopneumonia, prekje të zemrës, apo enëve të gjakut, etj.
Dëmtimi
Nuk ka një arsye të caktuar se përse shfaqet sëmundja e mushkërive, por ajo që rekomandohet për të gjithë njerëzit është “bashkëjetesa” në një ambient në pastër, pa duhanpirës, si dhe pa asnjë komponent tjetër të dëmshëm për mushkëritë.
Nga ana tjetër, sipas specialistëve, fëmijët janë tepër të prirur për t’u sëmurë nga sëmundjet e mushkërive në rast se ata kanë lindur nga një nënë duhanpirëse. Pasi që në krijimin e mushkërive si organ, foshnja “helmohet” me nikotinën e duhanit, dhe më pas është e vështirë që organizmi i tij të filtrojë. Përveç duhanit, ndotja e ambientit, është një ndër faktorët kryesorë që ndikon në përhapjen e sëmundjes së mushkërive.
Rekomandimet
Për këtë kontingjent të sëmurësh këshillohet pushim për disa ditë në klimë malore, për shkak të gjelbërimit, ajrit më të pastër dhe temperaturave të mjedisit, që janë më të ulëta. Këtyre personave u rekomandohet të shëtisin një orë në mëngjes herët dhe në darkë vonë. Gjithashtu, këshillohet marrja e lëngjeve për të shtuar sasinë e gjakut qarkullues, që mund të ketë pasojë uljen e tensionit arterial.
Të shmangen daljet dhe qëndrimet në diell duke preferuar shëtitjet në orët e para të mëngjesit, të shoqëruara me ushtrime të lehta gjimnastikore, sidomos të kraharorit. Të ndalohet përdorimi i duhanit dhe qëndrimi në ambiente të mbyllura, ku pihet duhan. Po ashtu rekomandohet një meny e pasur me vitamina, me shumë kalori dhe që të përmbajë ushqime që treten lehtë.
Ushqimet
Mos harroni se mushkëritë tuaja nuk mund të pastrohen krejtësisht duke konsumuar këto ushqime, por të paktën në një masë të caktuar mund të largohen toksinat. Duke pasur parasysh këtë, do t’ju sjellim një listë të disa ushqimeve që do t’ju ndihmojnë:
Misri i ëmbël – përmban beta-kriptoksantinë, një antioksidant i fuqishëm.
Duhet të keni parasysh se misri i ëmbël, në raftet e dyqaneve, është OMGJ, prandaj duhet të jeni të sigurt për atë që konsumoni.
Seleni – bëhet fjalë për një antioksidant vërtet të fuqishëm, i cili mund të gjendet në lloje të ndryshme të peshkut, si tuna, salmoni dhe merluci, por edhe në mishin e qengjit, në vezë dhe drithëra. Sigurisht, ju rekomandojmë që të konsumoni vezë dhe drithëra dhe t’i shmangni ushqimet me origjinë shtazore.
Qepa – si qepa e bardhë, ashtu edhe ajo e kuqe përmbajnë lëndë që luftojnë qelizat kancerogjene. Qepa ndihmon në parandalimin e shumë sëmundjeve, duke përfshirë infeksionet dhe kancerin e mushkërive. Qepa parandalon qelizat e reja te personat që vuajnë nga kanceri.
Xhenxhefili – xhenxhefili ndikon në heqjen e toksinave nga mushkëritë. Ju mund të pini çaj nga rrënjët e xhenxhefilit dhe do të ndieni lehtësim në frymëmarrje, ndërsa një copë xhenxhefil mund ta hani gjatë ushqimit.
Portokalli – është i pasur me vitamina, por përmban kriptoksantinë, që ka veti parandaluese kundër kancerit të mushkërive.
Hithi – kjo bimë është e pasur me hekur, pastron mushkëritë dhe lufton infeksionet.
Çaji nga halat e pishës – ky çaj përdoret tradicionalisht për shpëlarjen e gojës dhe fytit, por lufton edhe kancerin e mushkërive.
/shkollaeshendetit.com
