“Kina dhe Franca kundërshtojnë sulmet e armatosura ndaj termocentraleve bërthamore dhe objekteve të tjera bërthamore të qeta”, si dhe mbështesin Agjencinë Ndërkombëtare të Energjisë Atomike “për të garantuar sigurinë e termocentralit në Zaporozhye”, thuhet në deklaratë, më 7 prill.
Agjencitë botërore raportojnë se në deklaratën e përbashkët nuk përmendet Rusinë dhe as nuk dënohet pushtimi i Ukrainës.
“Është e rëndësishme që palët në konflikt të respektojnë të drejtën ndërkombëtare humanitare”, shtohet në deklaratë.
Kandidati i lëvizjes “Evropa Tani” për president të Malit të Zi, Jakov Milatoviç, doli fitues në zgjedhjet presidenciale të së dielës në vendin e vogël Ballkanik, që po kalon një periudhë krizash politike.
Qendra për Tranzicionin Demokratik tha se 58.9 për qind e zgjedhësve votuan për z. Milatoviç, ndërsa presidenti aktual, Milo Gjukanoviç fitoi 41.1 për qind të votave.
Duke shpallur fitoren në selinë e lëvizjes së tij në Podgoricë, Jakov Milatoviç, 37 vjeçar, tha se kjo “është nata që kemi pritur për më shumë se 30 vjet”.
Milo Gjukanoviç, 61 vjeç, i cili ka shërbyer herë si kryeministër e herë si president i Malit të Zi për 33 vjet, pranoi humbjen duke e uruar zotin Milatoviç.
“Mali i Zi bëri një zgjedhje dhe unë e respektoj atë. Le të jetë një president i suksesshëm. Nëse është kështu, edhe Mali i Zi do të jetë një vend i suksesshëm”, tha zoti Gjukanoviç.
Presidenca franceze njoftoi më parë se Xi është i gatshëm, për herë të parë pas fillimit të pushtimit rus të Ukrainës, që t’i telefonojë presidentit ukrainas, Volodymyr Zelensky, por shtoi se Xi do ta bëjë këtë kur të vlerësojë se është momenti i duhur. Kjo nismë, gjithashtu, nuk përmendet në deklaratën e përbashkët.
Në muajin shkurt, Kina publikoi një dokument me 12 pika, në të cilin e thekson pozicionin e saj për konfliktin në Ukrainë. Siç theksojnë agjencitë botërore, disa diplomatë besojnë se dokumenti mund të shërbejë si një plan paqeje dhe të inkurajojë Moskën dhe Kievin për të zhvilluar bisedime.
Në shtator, Pekini nuk e njohu aneksimin e njëanshëm nga Rusia të katër territoreve ukrainase dhe as aneksimin e Krimesë në vitin 2014./REL/
