Gjykata Kushtetuese ka vendosur që përkohësisht ta pezullojë vendimin e presidentit të Kosovës, Hashim Thaçit, që dje përmes një dekreti e ka mandatuar Avdullah Hotin për kryeministër, shkruan Gazeta Express.
Kjo është bërë pas kërkesës së 30 deputeteve të grupit parlamentar të Vetëvendosjes, që kanë kërkuar që fillimisht të pezullohet vendimi deri në një vendim përfundimtar të Kushtetueses. Kjo do të thotë që nesër nuk mund të mbahet seanca e thirrur nga LDK për në ora 13:00.
