Farat e kungullit konsiderohen si një këshillë e mirë kur bëhet fjalë për kujdesin shëndetësor për prostatën dhe fshikëzën.
Deri kohët e fundit, efektiviteti i farave të kungullit kërkohej kryesisht në vajin e farës. Sipas gjetjeve të fundit, vaji i farës së kungullit luan më shumë një rol ushqyes. Kjo për shkak se vaji i farës së kungullit është i pasur me acide yndyrore të pangopura dhe vitaminë E. Farat e kungullit kanë një efekt pozitiv për fshikëzën dhe prostatën.
Mjekësia popullore: Farat e kungullit lehtësojnë simptomat e një prostate të zmadhuar
Nga mosha 50 vjeçare, ajo prek çdo mashkull të dytë dhe pothuajse të gjithë mbi moshën80 vjeç: ka vështirësi në urinim dhe në të njëjtën kohë rritet dëshira për të urinuar. Shkaku është një prostatë e zmadhuar.
- Farat e shijshme jeshile i kungullit duket se kanë diçka të veçantë: përveç një numri mineralesh të vlefshme, besohet se një substancë e quajtur beta-sitosterol në veçanti është thelbësore për efektet pozitive në prostatë dhe fshikëz.
- Beta-sitosteroli është një përbërës aktiv që mund të bllokojë shndërrimin e testosteronit të hormonit mashkullor në dihidrotestosteron (DHT). DHT, nga ana tjetër, luan një rol të rëndësishëm në rritjen e padëshiruar të prostatës.
- Meqenëse nuk ka mjaft studime të mëdha dhe afatgjata mbi efektet e ekstrakteve të farave të kungujve, efektiviteti i tyre aktualisht nuk njihet nga mjekësia konvencionale.
- Një studim nga Universiteti i Këlnit (Gjermani)i sponsorizuar nga industria farmaceutike tregon një përmirësim në simptomat e meshkujve që më parë kishin simptoma të lehta deri në mesatare.
- Problemi me deklaratat e përgjithshme është se jo të gjitha farat e kungujve janë të njëjta. Superushqimi ndryshon për sa i përket përmbajtjes së përbërësve aktivë në varësi të shumëllojshmërisë dhe kultivimit. E njëjta gjë vlen edhe për suplementet dietike në formën e pluhurave dhe ekstrakteve.
Inkontinenca nga stresi është humbja e pavullnetshme e urinës pa nevojën për të urinuar kur qeshni, kolliteni, teshtitni ose sforcimet fizike si pasojë e dobësisë së muskujve të dyshemesë së legenit. Sipas gjendjes aktuale të njohurive, çekuilibrat hormonalë janë shkaktarët kryesorë të formave të fundit të mosmbajtjes.
Studimet in vitro dhe in vivo u kryen me një ekstrakt të farës së kungullit pa lipide dhe çuan në përfundimin se substancat e tretshme në ujë – duke përfshirë lignanet specifike të kungujve – janë kryesisht përgjegjëse për efektivitetin. Është konstatuar se disa mekanizma të farave të kungullit ndikojn pozitiv në fshikëzën dhe prostatën.
Dy studime të kryera në Japoni (në 39 gra në postmenopauzë të moshës 55-79 vjeç dhe 50 gra të moshës 35-84 vjeç) rezultuan në përmirësim të ndjeshëm të inkontinencës. Me një administrim ditor me 525 mg ekstrakt të farës së kungullit, pati një reduktim të inkontinencës me 60% pas vetëm dy javësh dhe me 80% pas 6 javësh. Përveç kësaj, u vu re një përmirësim i dukshëm në zbrazjen e fshikëzës gjatë natës dhe ditës. Një test i konsumatorit në 10 gra midis moshës 45 – 65 vjeç gjatë 8 javëve gjithashtu dha të njëjtat rezultate.
Konkluzioni
Disa mekanizma si dhe përbërës përcaktojnë efektin e ekstrakteve të farave të kungullit në fshikëzën dhe prostatën, si dhe në muskujt e legenit.
Përshtati nga Gjermaishtja në Shqip: Marsida Bregasi
Burimi: https://medmix.at/kuerbiskerne-blase-prostata/
