Komisioni Qendror i Zgjedhjeve ka shtyrë dhënien e vendimit për kryebashkiakun e Mallastrës Qerim Ismailaj, pasi avokati i tij kërkoi kohë për të bërë një mbrojtje sa më dinjitoze.
Ishte kryekomisioneri shtetëror Ilirjan Celibashi ai që pranoi kërkesën e avokatit të Ismailajt, dhe tashmë seanca u shty për paraditen e së premtes.
Kryetarit socialist të bashkisë së Mallastrës, iu zbuluar një dënim me 3 vite burg që kishte marrë në Greqi, të cilin e kishte fshehur në formularin e dekriminalizimit.
“Më duhet qoftë edhe një ditë kohë që të bëj mbrojtje dinjitoze, jam njohur vetëm sot me materialet nga prokuroria”, tha avokati mbrojtës i Ismailajt.
Ismailaj ishte dënuar për shkak se kishte dhunuar pronarin ku punonte në Greqi, për shkak se ai nuk i kishte dhënë pagesën për punën që ai kishte bërë.
Rasti i tij u denoncua nga Partia Demokratike, dhe prokurorisë iu deshën pothuajse 2 vite kohë q ëtë bënte verifikimet dhe të shprehej për rastin.
(E.K/Faxweb.al)
…
/faxweb
