Mesfushori spanjoll Gavi shihej nga të gjithë si një nga talentet më të mëdhenj në qarkullim. Por lojtari i Barcelonës, pas dy viteve të parë spektakolarë, ka nisur një seri të gjatë dëmtimesh dhe problemesh të rënda fizike që po e lënë për shumë kohë jashtë fushave të lojës.
Dhe dëmtimi i radhës ka rezultuar përsëri i tillë, pasi problemet në menisk, kanë detyruar Gavin që të operohet edhe një herë, siç konfirmoi sot Barcelona, që bëri të ditur se ai ishte detyruar të bënte ndërhyrjen në gjurin e djathtë.
Kjo nënkupton të paktën 4 ose 5 muaj larg fushave të lojës, që do të shkatërrojnë përsëri sezonin me Barcelonën për mesfushorin e talentuar e padyshim edhe shanset e tij për të qenë i grumbulluar dhe në formë në Botërorin 2026, ku shpresonte të ishte protagonist.