Presidenti i El Salvadorit, Nayib Bukele akuzoi SHBA-në për burgosjen e njerëzve të pafajshëm.
Duke postuar në llogarinë e tij në Twitter, Bukele kritikon qeverinë amerikane. “Teksa SHBA-ja burgos persona të pafajshëm janë të shqetësuar se ne do të burgosim personat për të cilët është vërtetuar faji i tyre”, tha Bukele.
Në deklaratën e tij më 6 mars, qeveria e SHBA-së i kërkoi presidentit Bukele të tregojë respektin e nevojshëm për të drejtat e njeriut dhe të garantojë sigurinë e qytetarëve.
Zyra e të drejtave të njeriut në El Salvador tha se kishte marrë rreth 7.900 ankesa për abuzim. Sipas mediave në El Salavador, vrasjet janë ulur me 57 për qind në vitin 2022 krahasuar me një vit më parë.
Më 26 shkurt, 2.000 anëtarë të bandës u transferuan në burgun më të madh të Amerikës me një kapacitet prej 40 mijë personash, i ndërtuar me urdhër të Bukeles.
Njerëzit janë të kënaqur me gjendjen e jashtëzakonshme
Sipas një sondazhi të publikuar nga Universiteti Qendror Amerikan në tetor 2022, 75.9 për qind e qytetarëve të El Salvadorit e konsiderojnë të përshtatshëm vendimin e qeverisë për gjendjen e jashtëzakonshme (OHAL) dhe mendojnë se qeveria e Bukeles e ka ulur shkallën e krimit.
Në fjalimin e tij më 24 nëntor 2022, Bukele tha se më shumë se 65 mijë persona janë arrestuar që nga marsi nën gjendjen e jashtëzakonshme dhe tha se masa të tilla funksionojnë edhe në qytetin Comasagua, ku kërkohen disa anëtarë të bandës së akuzuar për vrasje.
Është raportuar se më shumë se 3.330 persona të ndaluar gjatë kësaj periudhe janë liruar.
Thuhet se pas masave të rrepta të marra në El Salvador, numri i vrasjeve të kryera në periudhën janar-tetor 2022 është ulur me 38 për qind krahasuar me të njëjtën periudhë të vitit 2021.
Banda MS13 mbahet përgjegjëse
Në El Salvador u shpall gjendja e jashtëzakonshme për një muaj më 27 mars. Më pas ky vendim ripërtërihej çdo muaj.
Bukele tha më 30 qershor se lufta kundër grupeve të armatosura do të intensifikohej.
Që nga fillimi i muajit mars më shumë se 100 persona kanë humbur jetën në operacionet kundër anëtarëve të bandave në vend dhe raportohet se numri i të arrestuarve ka kaluar mbi 58 mijë.
Autoritetet fajësojnë bandën MS13 për ripërshkallëzimin e dhunës në vend.
El Salvadori, i cili është një nga vendet me shkallën më të lartë të vrasjeve në botë, ka probleme serioze sigurie për shkak të fuqisë së bandave në vend.
