Çekuilibri hormonal është një problem me të cilin përballen edhe meshkujt, jo vetëm femrat. Ja si manifestohet dhe çfarë rekomandohet.
Jemi mësuar që “hormonet” të jenë ekskluzivisht probleme të grave dhe, gabimisht, kur dëgjojmë për probleme hormonale, mendojmë për pacientet, jo për pacientët. Por ka mjaft meshkuj që vuajnë nga gjendje të tilla, disa të “shkaktuara” vetë.
Testosteroni është hormoni kryesor mashkullor dhe niveli i tij ndryshon me moshën. Për shumicën e meshkujve, ulja fiziologjike nuk vjen me probleme. Megjithatë, ka edhe raste kur disbalancat hormonale përfundojnë duke ndikuar në cilësinë e jetës.
Ulja e dëshirës seksuale, zvogëlimi i shpeshtësisë së ereksioneve në mëngjes, zvogëlimi i rritjes së qimeve. Gjinekomastia, shfaqja e gjinjve tek meshkujt, tregon mungesë testosteroni.
Për shkak se shpesh simptomat mund të jenë të zakonshme me sëmundje të tjera, mjeku është i vetmi që, pas analizave të plota, mund të bëjë një diagnozë të qartë. Ideja e gabuar se çdo mashkull mbi 40 vjeç vuan nga mungesa e testosteronit nuk ka asnjë bazë në fakt.
Andropauza, ekuivalenti mashkullor i menopauzës, nuk është standardi i referencës. Diku tek 2 për qind e popullatës përfundojnë duke vuajtur nga andropauza.
Në rastin e tyre, sipas specialistëve endokrinolog ka një zgjidhje. “Aktualisht trajtohet ose me xhel me përdorim të përditshëm, ose me injeksion, preparat që bëhet çdo 3 muaj.”
Sidoqoftë, vetë-mjekimi nuk rekomandohet në asnjë rrethanë. Marrja e testosteronit nga burime të dyshimta – në rastin e të rriturve të shëndetshëm – është jashtëzakonisht e rrezikshme.
“Është një problem me të cilin përballemi gjithnjë e më shpesh. Ne shohim në shoqëri se ka një obsesion tek të rinjtë për të administruar testosteronin, për të rritur vitalitetin, energjinë, masën muskulore etj. Jo vetëm që nuk është e mirë për ta, por në afat të gjatë mund të shkaktojnë edhe probleme kërcënuese për jetën”, shprehen endokrinologët.
Megjithatë, meshkujt që dyshojnë se mund të kenë një problem të tillë duhet të konsultohen me mjekun. Trajtimi i duhur mund të ndryshojë rrënjësisht cilësinë e jetës së tyre.
Simptomat që lidhen me mungesën e testosteronit:
- simptoma që imitojnë depresionin
- ulje e libidos
- ulje e shpeshtësisë së ereksioneve në mëngjes
- mungesa e energjisë
- zvogëlimi i rritjes së qimeve
- gjinekomastia
Mënyra e jetesës ndikon në nivelet e testosteronit:
- gjumi i mjaftueshëm
- aktiviteti fizik i vazhdueshëm
- Ushqimi i pasur me proteina
- reduktimi i konsumit të alkoolit
