Kryetar i Lëvizjes Politike “Mundësia”, Agron Shehaj tha ‘se Edi Rama e ka luftë për jetë a vdekje kapjen e SPAK’.
I ftuar në studion e emisionit “Open” në Neës24, Shehaj u shpreh dy janë rrugët, ose Rama të dala para drejtësisë, ose SPAK do dështojë.
Sipas tij, kryeministri mund të shkatërrojë SPAK, kjo edhe me ndihmën e opozitës, që siç tha Shehaj është e shpartalluar.
“Dy rrugë janë: ose Edi Rama do të dalë para drejtësisë dhe nuk do të mund të justifikohet me “ngrënien e dardhave pas shpine”, ose SPAK do të dështojë.
Mesazhin e parë ia dhanë SPAK me miratimin e amnistisë penale. Edi Rama mund të shkatërrojë SPAK po të dojë, pasi votat i gjen, kemi një opozitë të shpartalluar.
Unë besoj se kjo do të ndodhë, shikoni mesazhet që i janë dhënë SPAK. Po e pengojnë me policinë, i kujtuan se janë në mes të mandatit dhe nuk ua zgjasin mandatet prokurorëve të SPAK”, tha Shehaj.
