- Sezoni i festave mund të rëndojë shëndetin e zemrës tuaj për shkak të sasisë së ushqimeve jo të shëndetshme të konsumuara.
- Ekspertët shpjegojnë se si ndikohet kolesteroli në këtë periudhë të vitit dhe çfarë mund të bëni për të.
- Zgjedhjet e stilit të jetesës dhe kërkimi i trajtimit nga mjeku juaj mund ta mbajnë zemrën tuaj të shëndetshme.
Sezoni i festave mund të sjellë shumë gëzim për ju, por gjithashtu mund të sjellë edhe pasoja të padëshiruara në shëndetin e zemrës.
Në fakt, hulumtimet tregojnë se nivelet e kolesterolit të keq rriten më së shumti gjatë kësaj periudhe të vitit, me gati 20%.
“Ne vërejmë gjatë festave se ka një shtim në peshë prej 3, 4, 5 kilogramësh, pasi njerëzit fillojnë të konsumojnë më shumë gjatë festave dhe të pinë alkool,” Dr. Norman Lepor, kardiolog në Cedars Sinai në Beverly Hills.
Kombinimi i konsumimit të ushqimeve dhe pijeve të pashëndetshme dhe përjetimit të stresit të shkaktuar nga blerjet, udhëtimet, pjesëmarrjet në evente apo darka me shumë mundësi mund të lërë më pak kohë për t’u ushqyer shëndetshëm. E gjithë kjo mund të ketë një ndikim negativ në zemër.
“Tri ditët që kanë numrin më të madh të sulmeve në zemër në kalendar janë 25, 26 dhjetor dhe 1 janar”, tha Lepor.
Si nivelet e kolesterolit mund të ndikojnë në shëndetin tuaj
Ekzistojnë dy lloje të kolesterolit.
Kolesteroli LDL (lipoproteina me densitet të ulët), i quajtur shpesh kolesteroli “i keq”, përbën pjesën më të madhe të kolesterolit të trupit. Të kesh LDL të lartë ju vë në rrezik për sëmundje të zemrës dhe goditje në tru.
Lepor e shpjegoi në këtë mënyrë: Kolesteroli udhëton në arterie dhe vena dhe futet në murin e enëve të gjakut duke nxitur formimin e pllakave.
“Unë përdor analogjinë e ndryshkut; fillon një proces ndryshkjeje të arterieve”, tha Lepor. “Ky proces i ndryshkjes së arterieve ju paradisponon për zhvillimin e sulmeve në zemër nëse është në arteriet koronare, ose nëse kolesteroli është në qarkullimin karotid, ju predispozon për goditje në tru.”
Kolesteroli HDL (lipoproteina me densitet të lartë), i cili konsiderohet kolesterol “i mirë”, thith kolesterolin në gjak dhe e çon atë përsëri në mëlçi, e cila më pas e eliminon atë nga trupi.
Përveç kësaj, trigliceridet, një lloj yndyre në gjak që përdoret për energji, luajnë një rol në shëndetin e zemrës. Kombinimi i niveleve të larta të triglicerideve me nivele të ulëta HDL dhe/ose të larta të kolesterolit LDL mund të rrisë rrezikun e një ataku kardiak.
Si zgjedhjet e stilit të jetesës mund të ndihmojnë në menaxhimin e kolesterolit
Rreth 15 deri në 20% e niveleve të kolesterolit ndikohen nga zakonet e jetesës si dieta dhe stërvitja, ndërsa 85% e kolesterolit prodhohet në mëlçi dhe është nën kontroll gjenetik.
“Kolesteroli i lartë shkaktohet kryesisht nga gjenetika. Ndërsa dieta dhe stërvitja janë të rëndësishme dhe mund të ndihmojnë në trajtimin e shumë sëmundjeve, është shumë e vështirë të kontrollosh kolesterolin vetëm me dietë dhe ushtrime, “tha Pierce.
Lajmi i mirë, shtoi ajo, është se duke ulur sasinë e yndyrave të ngopura në dietën tuaj dhe duke bërë stërvitje rutinë që përbëhet nga të paktën 30 deri në 45 minuta lëvizje aerobike dhe me peshë, 4 deri në 5 herë në javë, ju mund të reduktoni LDL deri në 10-20%.
Pierce dha disa këshilla për të ndihmuar në uljen e niveleve të kolesterolit:
- Fibrat e tretshme mund të ndihmojnë në uljen e kolesterolit deri në 10%
- Ushqimet e mbushura me sterole bimore dhe stanole, në kombinim me një dietë të ekuilibruar, mund të ndihmojnë në uljen e kolesterolit
- Disa lloje vajrash dhe gjalpi mund të ndihmojnë në rritjen e HDL-së, duke reduktuar kështu LDL-në minimalisht
- Arrat sigurojnë një burim të mirë fibrash dhe përmbajnë yndyrna të mira që ndihmojnë në rritjen e HDL-së dhe nga ana tjetër reduktojnë minimalisht LDL-në
Për më tepër, ajo sugjeroi kufizimin e ushqimeve të pasura me sheqer dhe karbohidrate për të mbajtur nivelet e triglicerideve të ulëta, megjithëse kjo qasje nuk duhet të ngatërrohet me dietat pa karbohidrate.
Lepor sugjeroi dietën mesdhetare si një dietë të përshtatshme, sepse është e ulët në yndyrna të ngopura. Shoqata Amerikane e Zemrës (AHA) pajtohet dhe deklaron se një dietë e stilit mesdhetar mund të ndihmojë në arritjen e rekomandimeve të AHA për një model të shëndetshëm ushqimor.
- Konsumoni perime, fruta, drithëra, fasule dhe bishtaja.
- Produkte të qumështit me pak yndyrë ose pa yndyrë, peshk, shpendë, vajra bimore jo-tropikale dhe arra
- Kufizoni sheqernat, pijet me sheqer, natrium, ushqime të përpunuara, karbohidrate të rafinuara, yndyrna të ngopura dhe mish me yndyrë ose të përpunuar
Pse fundi i vitit është një kohë e mirë për të menduar për shëndetin e zemrës
Sezoni i festave është një kohë e mirë për të parë zakonet tuaja aktuale të të ushqyerit, stërvitjes dhe të shqyrtoni mënyrat e mundshme për t’u bërë më të shëndetshëm në vitin e ardhshëm.
Të jesh proaktiv është gjëja më e mirë që mund të bësh për zemrën tënde, shtoi Lepor.
Shumë njerëz as nuk e dinë se kanë sëmundje të arterieve koronare derisa të kenë një simptomë të problemit shëndetësor, e cila mund të jetë edhe një atak në zemër. Një nga gjërat e rëndësishme është që pacientët duhet të kujdesen për veten e tyre.
Filloni duke kërkuar nga mjeku juaj të kryejë një skanim koronar të kalciumit, i cili identifikon pllakën e fortë. Lepor e rekomandon atë për burrat mbi 45 vjeç dhe gratë që janë në menopauzë ose në moshë më të madhe. Ajo tha se mund të identifikohet grumbullimi i pllakave vite përpara se të shkaktohet një ngjarje problematike e shëndetit, duke lejuar mundësinë e trajtimit parandalues./Health.com
