Edlira Shahu, gruaja e cila u godit mbi 20 herë me thikë nga bashkëshorti i saj Jakup Shahu, ka treguar momentet e tmerrit që përjetoi në duart e të shoqit mbrëmjen e 23 Majit.
Në një intervistë për emisionin “Me zemër të hapur” të moderatores Evis Ahmeti, gruaja rrëfeu se atë mbrëmje ishin shtrirë në krevat të qetë dhe në një moment Jakupi iu drejtua duke i thënë që “sonte s’ka shpëtim për ty, do të vdesësh”.
Edlira Shahu tregoi se i shoqi e goditi me grusht dhe me pas e tërhoqi për flokësh në kuzhinë ku e goditi 3 herë me thikë në fyt dhe më pas në kokë e fytyrë.
“Më ka dhunuar edhe herë të tjera. Atë natë ishim mirë, shkuam në shtëpi, darkuam dhe u shtrimë, ora ishte 10:30 të darkës. Nuk patëm debat së bashku, ishte i qetë, edhe në krevat mu luste ‘thoshte të vdesësh”. ‘Po pse të vdes çfarë të kam bërë, çfarë po të bëj’. Më gjuajti me grusht, nuk ishte i pirë.
Nuk mi kishte thënë herë tjetër, ishte shumë xheloz, më akuzonte për gjëra kot. Më kapi nga flokët më nxori nga dhoma më tha ‘sonte për ty nuk ka shpëtim, do të vras”. Bërtita, më kapi për flokësh dhe më çoi tek kuzhina, kishte thikë tek dora më godit tek fyti 3 herë, edhe në fytyrë kokë.
Vetëm më gjuante ‘di do të vdesësh, nuk do të jetosh më’. Më gjuante, kishte ca kohë që çdo ditë më gjuante”, tha ajo.
