Të paktën 30 plumba janë gjetur në trupin e Bardhok Pllanajt, i cili u ezkekutua mbrëmjen e djeshme në qytetin e Shkodrës, ndërkohë që në drejtim të tij mësohet se janë derdhur 120 plumba, një pjesë e të cilëve kanë bërë “shoshë” makinën Range Rover me të cilën ai udhëtonte.
Siç shihet dhe nga fotoja e siguruar nga Faxweb.al, fokusi kryesor i vrasësve ka qenë që të qëllojnë në anën e shoferit, pranë kokës dhe zemrës. Dy plumba që lanë të vdekur në vend Pllanajn, e kanë prekur atë në kokë dhe në zemër, ndërsa vrasësit kanë pasur një shënjestër të frikshme.
Autorët e qëlluan Pllanajn nga një mjet “Passat” me targa italiane, ku u gjetën brenda edhe dy armë. Ata e kanë ndjekur viktimën për 150 metra, ku në të njëjtën kohë e qëllonin, ndërsa mjeti i tij u përplas më pas dhe me murin e një biznesi.
Poshtë banesës së Pllanajt dyshohet se ka qëndruar një makinë me targa italiane, për të ndjekur lëvizjet e 46-vjeçarit, i cili mbeti i vdekur në vend nga breshëria e plumbave.
Vrasja ka ndodhur pak metra larg banesës së tij, ndërkohë që autorët e qëlluan Pllanaj nga një makinë në lëvizje, që ecte paralelisht me mjetin e viktimës.
Ndjekja ka zgjatur rreth 150 metra, dhe dyshohet se autorët kanë qenë të paktën 3, pasi është qëlluar me dy armë.
Pas të shtënave dyshohet se makina e Pllanjat ka ecur në gjendje të lirë dhe është përplasur me murin anësor të një biznesi.
Në vendin e ngjarjes janë gjetur gëzhojat e plumbave që vranë Bardhok Pllanaj, ndërsa është vënë re se në vendin e krimit ndodhen dhe kamera sigurie, që mund të çojnë në identifikimin e autorëve.
Makina që u përdor nga autorë u gjet e djegur jo shumë larg vendit të ngjarjes dhe brenda saj u gjetën dy armët e përdorura në atentat.
Kush është Bardhok Pllanaj? Bardhok Pllanaj, nuk është një emër i panjohur për policinë. Disa vite më parë 47-vjeçari i ekzekutuar këtë mbrëmje do trazonte politikën e vendit, pasi ndërsa ishte i shpallur në kërkim për trafik droge u fsheh në automjetin e ish deputetit të Kuvendit në vitit 2014, atë të Mark Frrokut, duke i shpëtuar arrestimit.
Ai ishte shpallur person në kërkim pak kohë pas aksionit të njohur si “Operacioni i Vilunit” në atë kohë në zonën e Shkodrës. Pllanaj i ka shpëtuar arrestit të policisë mesnatën e datave 1 dhe 2 Tetor 2014, pasi rezultoi i fshehur në makinën e ish-deputetit Mark Frroku. Në atë periudhë, Pllanaj sshtë mbajtur në vëzhgim nga forcat operacionale kundër narkotrafikut.
Sipas raportit të dorëzuar nga agjentët e vëzhgimit në atë kohë, thuhet se Pllanaj gjatë gjithë ditës së Tetorit 2014 ka qenë nën vëzhgim, ku përshkuhen me detaje lëvizjet e tij, makinat që ka ndërruar si dhe lokalet që ka frekuentuar. Në mesnatë 47-vjeçari, ka hipur në makinën e ish deputetit.
Rreth orës 1 pas mesnate të datës 2 Tetor, makina e ish deputeti Frroku është nisur në drejtim të Laprakës, ku policia, nga frika e largimit të personit të shpallur në kërkim, organizoi një postbllok në Kamëz, pranë Bulavardit Blu. Në momentin që makina afrohet, policia e ndalon atë, por nuk mundet të hapë dyert që ishin të bllokuara nga brenda dhe më pas agjentët janë larguar duke lënën të lirë Pllanajn.
Në tetor të vitit 2018 Bardhok Pllanaj u arrestua nga policia e cila në bashkëpunim me prokurorinë e Shkodrës e vunë në pranga për veprat penale pastrim parash, falsifikim të dokumenteve dhe ndërtim pa leje.
Policia e Shkodrës në atë kohë tha , Bardhok Pllanaj kishte filluar ndërtimin e një objekti 10-katësh pa u pajisur me dokumentet përkatëse. Objekti i ndërtimit kapte vlerën e 2 milionë Eurove dhe dyshohej se ishte financuar nga të ardhura të trafikut të drogës. Për këtë arsye, godina 10-katëshe u sekuestrua nga autoritetet.
(E.K/Faxweb.al)
/faxweb
