Presidenti i Serbisë, Aleksandar Vuçiç, ka deklaruar se njohja e Kosovës nuk është në pyetje për shtetin serb. Këtë deklaratë, Vuçiç e bëri gjatë konferencës së përbashkët me presidentet e KE, Ursula Von Der Leyen.
“Dhe këtë e kam thënë pafundësisht dhe nuk është e vështirë për mua dhe nuk më vjen turp, jam krenar që e them para presidentes së KE-së. Ne e dimë se cilat janë obligimet tona nga dialogu dhe jemi të gatshëm t’i përmbushim ato”, tha ai.
Gjithashtu, presidenti serb deklaroi se po shqyrtohet drafti i propozuar për asociacion, por nuk dha detaje. Ai tha se për momentin dy pengesa kryesore në rrugën e Serbisë drejt BE-së janë sanksionet ndaj Rusisë dhe marrëdhënia me Prishtinën.
Nga ana tjetër, presidentja e KE, Ursula Von Der Leyen, kërkoi angazhimin e Serbisë në dialogun me Kosovën.
