Marsel Ismajlgeci ka rinovuar kontratën me Ballkanin. Lajmi është bërë i ditur nga vetë klubi përmes një postimi në rrjetet sociale. Ai ishte i huazuar tek kampionët e Kosovës por tani do të jetë pjesë e klubit deri në 2027-ën.Postimi i plotë
Ne jemi gati, po ju…
Tifozë të dashur, pas një viti si i huazuar te ne, kemi kënaqësinë të ju bëjmë me dije se Marsel Ismajlgeci, tashmë do të jetë futbollist i FC Ballkanit.
Klubi ka nënshkruar kontratë me lojtarin deri në vitin 2027.
Ashtu siç i kemi arritur sukseset gjatë edicionit që kemi lënë pas, bashkë do i ndjekim edhe objektivat në vazhdim.
Na priftë e mbara
Rikujtojmë që 24 vjeçari ka luajtur për Tiranën duke mbajtur edhe shiritin e kapitenit, madje është shpallur edhe kampion i Superiores. Ismajlgeci ka pasur një aventurë edhe në Bosnje, me kampionët e Zrinjskit të Mostarit.
