Sokol Mëngjesi, avokati i ish-kryeministrit Sali Berisha është goditur me levë.
Ngjarja raportohet se ka ndodhur në zonën e ish-Bllokut rreth orës 08:50 të mëngjesit të sotëm.
Avokati Sokol Mëngjesi është dhunuar nga persona ende të paidentifikuar dhe ndodhet në spital në gjendje të qëndrueshme.
Nuk dihen ende arsyet dhe rrethanat e ngjarjes.
Njoftim paraprak i Policisë së Shtetit:
Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.
I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.
Gjendja e tij shëndetësore është normale.
Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.
