Një tjetër qytet proteston sot kundër rritjes së çmimeve në vend

Pas Tiranës, Shkodrës dhe Durrësit, një protestë kundër rritjes së çmimeve do të mbahet në qytetin e Lushnjes.

Protesta është paralajmëruar në orën 17:00 te Rrethrrotullimi i Plugut, duke qëndruar në sinkron edhe me ato që do të mbahen në qytetet e tjera.

Rikujtojmë se një protestë masive u mbajt dje në Tiranë, ku qytetarët qëndruan mbi 2 orë në Bulevardin “Dëshmorët e Kombit” ndërsa në fund u arrestuan 16 prej tyre ndërsa 5 të tjerë u proseduan.