Në dasmën përrallore e cila është planifikuar të zhvillohet në muajin maj të këtij viti midis princ Harry dhe Meghan Markle duket se do të mungojë një nga miqtë e familjes mbretërore, që është ish presidenti i SHBA-ve, Barack Obama së bashku me familjen e tij.
Arsyet i ka shpjeguar Duncan Larcombe, biografi mbretëror, sipas së cilit është e pamundur që familja Obama të marrë një ftesë për dasmën midis princ Harry dhe Meghan Markle pasi një gjë e tillë theksoi ai do të ndikonte në acarimin e marrëdhënieve diplomatike me SHBA.
Sipas lajmeve të publikuara në DailyMail, Ministria e Jashtme është e shqetësuar për shkak të raportit aktual me SHBA, pasi presidenti Donald Trump ende nuk ka vizituar Mbretërinë e Bashkuar apo të ketë bërë një takim zyrtar me mbretëreshën.
Gjithashtu mendohet se e njëjta taktikë që është përdorur në dasmën e Kate dhe William në vitin 2011, do të përdoret edhe në dasmën e princ Harry dhe Meghan Markle,ku të ftuar kanë qenë udhëheqës fetarë, anëtarë të familjes mbretërore, dhe përfaqësues të shteteve CommonWealth-it.
“Është e gjitha e orkestruar me kujdes për t’u siguruar që nuk ka natyrë politike”, përfundoi, Duncan Larcombe.
