Në Shqipëri, shëndeti mendor është një nga fushat më problematike të mjekësisë, për shkak të stigmës së madhe të shoqërisë ndaj pacientëve, gjë që pengon rehabilitimin e tyre.
Një pjesë e tyre braktisen, mbeten pa familje e pa banesa dhe mbeten banorë shumëvjecarë në spitalet psikatrike.
Adela Lamcja psikologe në spitalin psikiatrik “Sadik Dinçi” në Elbasan thotë se pavarësisht se shoqëria jonë ka bërë hapa pozitiv në përkrahjen e këtyre individëe, kur vjen puna te atashimi i tyre në tregun e punës, por dhe më gjërë është ende paragjykuese.
“Në momentin që mungojnë kushtet, mbështetja familjare bëhet edhe më e vshtirë përshtatja. Kemi bërë hapa pozitv drejt luftës ndaj stigmës, e presim disi më mirë në krahasim me dekada më parë por hasen vështorësi në atashimin në një vend punë të re. e kënë të vështirë funksionimin. Ka pacientë që kanë kohë që gjatë që qëndrojnë në spital. Nuk plotësojnë kriteret për daljen nga spitali. Në pandemi ishte më i vështirë socializimi i tyre”- u shpreh ajo.
Organizata Botërore e Shëndetësisë po bën thirrje për plotësimin cilësor të të drejtave të këtyre pacientëve dhe zhvendosjen e tyre në qendra komunitare. Por kjo gjë për momentin nuk është e mundur . Madje në spitalin e Elbasanit ka pacientë të shtruar që në vitin 1964, vit kur është hapur ky institucion.
Spitali psikiatrik “Sadik Dinçi” në Elbasan, është i mbushur me pacientë në maksimum, ndërsa tani gjendet në prag të një rindërtimi të plotë infrastrukturor dhe shkencor.Të 310 shtretërit e spitalit janë të zënë me pacientë, afro gjysma e të cilëve jetojnë aty nga 10 e më shumë vjet.
në Facebook, klikoni Join Group
…
/faxweb
