Home Blog Page 12041

Si është kaluar nga 1 në 2 ditë pushimi në javë? 

Dikur fundjava zgjaste vetëm 1 ditë, ishte koha për të respektuar festat fetare, transmeton Kosova Post.
Rezervimi i një dite në javë është një traditë antike, gjurmët e së cilës gjenden në librat e shenjtë. Gjërat kanë filluar të marrin kthesë në Britaninë e Madhe përgjatë shekullit të 19-të, përgjatë revolucionit industrial, kur masat e reja të punëtorëve të industrisë nisën të marrin ditën e tyre të pushimit për qëllime kënaqësie e jo vetëm për qëllime fetare.
Përqendrimi i argëtimit dhe shpesh i konsumit të alkoolit në një ditë të vetme të javës bënte që angazhimi në punë të nesërmen të ishte i papërballueshëm.
E kështu shumë punëdhënës filluan ta lënë të lirë gjysmën e së shtunës si kompromis sindikal.
Edhe fetë kanë bërë të tyren në këtë drejtim. Në vitin 1908, në SHBA një fabrikë u lejoi punëtorëve që të pushojnë të shtunën në respekt të së shtunës hebraike dhe ndërmarrje të tjera do të ndiqnin shembullin e saj.
Derisa në vitin 1938, në shembullin e Ford që në vitin 1926 kishte nisur të mbyllte fabrikat e tij të shtunën dhe të dielën (për të mos krijuar hatërmbetje si te sindikatat, ashtu edhe të grupimet fetare që shenjtëronin të dielën) u prezantua java e punës me 40 orë me ligjin “Fair Labor Standards” dhe në Shtetet e Bashkuara të Amerikës u bë praktikë që java e punës të ishte 5 ditë, gjë që më pas u aplikua nga e gjithë bota.
Në dekadat pasuese, veçanërisht në 1940, 1950 dhe 1960, një numër në rritje vendesh adoptoi formulën premte-shtune ose shtune-diele për pushimin e javës, për t’u harmonizuar me tregjet ndërkombëtare të dominuara nga anglosaksonët, që ishin edhe fituesit e luftës.
Dhe një serë reformash të javës së punës të viteve 2000 kanë bërë që një pjesë e madhe e vendeve të botës arabe të sinkronizohej me pjesën më të madhe të vendeve të tjera të botës, në aspektin e orëve të punës, zgjatjes së javës së punës dhe ditëve të fundjavës.

Arrestohet Albin Kurti

0

Arrestohet deputeti i Lëvizjes Vetëvendosje Albin Kurti. Ish-kreu i VV-së u arrestua nga Policia e Kosovës në bazë të urdhër-arrestit të lëshuar ndaj tij për rastin e gazit lotsjellës që u hodh në Kuvend. Ai është ndaluar teksa po hynte në godinën e Kuvendit të Kosovës për vazhdimin e seancës.
 

 
Ndaj Kurtit dhe deputeteve Albulena Haxhiu e Donika Kadaj-Bujupi është lëshuar urdhër-arrest pasi munguan në Gjykatë për rastin e gazit lotsjellës.
 
Një vit më parë, Kurti, Haxhiu, e Kadaj, kanë hedhur gaz lotsjellës në Kuvendin e Kosovës, duke shkaktuar ‘përplasje’ mes maxhorancës dhe opozitës.

Gjermania pa qeveri, SPD-ja e hapur ndaj bisedimeve me Merkel

0

Kryesia e Partisë Socialdemokrate gjermane (SPD) u shpreh sot në mëngjes e hapur ndaj bisedimeve për nxjerrjen e vendit nga kriza politike aktuale duke braktisur papritur kundërshtimin e tyre të çdo ideje për aleancë me Angela Merkel.
“SPD-ja është e bindur se duhet diskutuar, SPD-ja nuk do të jetë e mbyllur ndaj bisedimeve”, deklaroi gjatë mbrëmjes së djeshme sekretari i përgjithshëm i Partisë Socialdemokrate, Hubertus Heil pas tetë orësh takim të krerëve të saj kryesore, nën drejtimin e presidentit të kësaj partie, Martin Schulz.
Deri tani, ky i fundit kishte refuzuar kategorikisht çdo ide për të zgjatur koalicionin aktual mes partisë së tij dhe konservatorëve të Angela Merkel, fill pas zgjedhjeve legjislative të shtatorit. sn

Po të pini tri kafe në ditë, do të ju ndodhë…

Të pish kafe në mënyrë të moderuar, bën mirë dhe tre apo katër filxhanë në ditë mund të sjellin të mira për shëndetin.
Ky është në fakt një rishikim i studimeve të mëparshme, nga BMJ, që ka zbuluar një rrezik më të ulët për sëmundjet e mëlcisë, disa lloje kanceresh dhe infarkteve pavarësisht se kërkuesit nuk kanë mundur të provojnë se kafeja është shkaku.
Sidoqoftë, shumë kafe gjatë shtatzanisë, është e dëmshme – rikonfirmon studimi.
Ekspertët thanë gjithsesi se njerëzit nuk duhet të fillojnë të pijnë kafe për arsye shëndetësore apo për të parandaluar sëmundjet.
Kërkuesit e universitetit të Sauthemptonit mblodhën të dhëna për pasojat e kafesë në të gjitha aspektet e trupit njerëzor, duke marrë në konsideratë më shumë se 200 studime, shumica e të cilave, thjeshtë vëzhguese. Krahasuar me ata që nuk pijnë kafe, ata që pijnë tre filxhanë kafe në ditë duket se kanë më pak rrezik të preken nga probleme në zemër apo të vdesin prej tyre.
Përfitimet më të mëdha nga konsumi i kafes shihen në rrezikun e reduktuar të mëlcisë, përfshirë kancerin. Sidoqoftë, studiuesit e universitetit të Sauthemptonit, nuk janë në gjendje të konfirmojnë se është sasia e konsumuar e kafesë ajo që bën dallimin.
Faktorë si mosha, pirja apo jo e duhanit, ushtrimet fizike etj mund të kenë ndikim. Sidoqoftë, përfundimet janë në një linjë me disa studime të tjera të kohëve të fundit sipas të cilave, pirja e kafesë nuk shkakton probleme.
Ka një balancë të rreziqeve në jetë dhe të mirat e konsumimit të moderuar të kafesë duket se prevalojnë mbi rreziqet – thonë kërkuesit.
Ata rekomandojnë që gratë shtatzëna të mos konsumojnë më shumë se 200 mg kafeinë në ditë, ose dy filxhana kafeje ekspres, sepse një sasi më e madhe mund të shkaktonte probleme.
Për të rriturit e tjerë, një sasi e moderuar kafeje, është e barabartë me 400 mg në ditë, ose tre deri në katër filxhanë kafeje…

Lot dhe dhimbje, familjarët njoftohen për vdekjen e ekuipazhit të nëndetëses

0

Kërkimet për nëndetësen argjentinase, të zhdukur në ujërat e Atlantikut Jugor, po vijojnë ende, por shpresat për të gjetur të mbijetuar janë shuar tashmë.
Autoritetet e Marinës Argjentinase kanë telefonuar familjarët e ekuipazhit të nëndetëses, për t’i njoftuar mbi vdekjen e këtyre të fundit, me shumë mundësi gjatë një shpërthimi të ndodhur para 6 ditësh.
Zyrtarisht Marina refuzon të pranojë vdekjen, por ata kanë telefonuar personalisht të gjithë familjarët e anëtarëve të ekuipazhit për t’u dhënë lajmin e kobshëm.
Mendohet se nëndetësja argjentinase ka pësuar një shpërthim në thellësinë 600-3000 metra dhe kjo ka shkaktuar pasojat tragjike për stafin e saj. /tch/

‘Blindohet’ Nju Jorku, masa të ashpra sigurie

0

Dita e Falenderimeve është festa më popullore në SHBA. Me vendim të Presidentit Abraham Linkoln, në 3 tetor 1863, ajo festohet në të gjithë Amerikën çdo vit, të ejten e fundit të muajit nëntor.
Për shumicën e amerikanëve, imazhi i “Thanksgiving”  lidhet me gjelin e detit të pjekur dhe me një festë familjare që normalisht bashkon familjet.   Njihet gjithashtu edhe si një ditë paradash, qoftë ditë me borë, apo shumë e ftohtë.
Në Nju Jork është mbajtur një paradë tradicionale, e cila është shoqeruar me masa të mëdha sigurie, që nuk janë parë asnjëherë më parë.
Zyrtarët me pushkë sulmi dhe detektorë të rrezatimit të celularëve qarkullonin në mesin e paradës, ndërsa snajperët ishin vendosur në çatitë e ndërtesave, kurse rrugët ishin bllokuar me kamionë, si pengesa për të ndalur lëvizjen në rrugët që shpinin në vendin ku mbahej parada.
Ede pse nuk ksihte informacion për ndonjë rrezik të mundshëm, departamenti i policisë së Nju Jorkut shpërndau me mijëra oficerë policie përgjatë rrugës së paradës.
“Thanksgiving”,  në metropolin e botës qytetin e Nju Jorkut, nisi nga Central Park West, duke u mbyllur në qendër në zemër të qytetit të Nju Jorkut.
Dita e Falënderimeve, që shënon fillimin e sezonit të festime me rastin e Krishtlindjeve, pasohet nga ajo që njihet si e “e premtja e zezë”, kur bizneset e shitblerjes ofrojnë uljet më të mëdha të çmimeve.
Më shumë se tre milionë njerëz qëndruan për orë të tëra në dy anët e rrugës kryesore të ndjekin nga afër Paradën më të madh në botë.s.net

Lëkura e vëllait binjak shpëton francezin e djegur në 95 për qind të trupit

0

Për herë të parë në historinë e mjekësisë botërore, është shpëtuar jeta e një personi të djegur në 95 për qind të trupit, dhe kjo falë lëkurës së marrë nga vëllai i tij binjak, bëri të ditur spitali Saint-Louis në Paris, ku është kryer operacioni në fjalë, shkruan (AA).
Kjo është hera e parë që është transplantuar lëkura e vëllezërve binjak në një sipërfaqe kaq të madhe të trupit, thuhet në njoftimin e spitalit.
Pacienti Frank, i cili tashmë është kthyer në shtëpi ku po rikuperohet, pësoi një aksident në punë në shtator të vitit 2016, ndërkohë që mjekët fillimisht kishin thënë se gjasat për të mbijetuar ishin pothuajse të pashpresa, nga shkaku i shkallës së djegieve në trup.
Gjatë trajtimit katër mujor, Frank iu nënshtrua 12 operacioneve, gjatë të cilave në tre operacione atij i është transplantuar lëkura e vëllait të tij binjak Erik, të marrë nga kafka, shpina, dhe kofshët.
Operacioni i parë i transplantit ishte shtatë ditë pas lëndimit, hera e dytë 11 ditë më pas, dhe intervenimi i tretë ishte 44 ditë pas djegies. “Gjithmonë kemi qenë të afërt, por tani jemi akoma më shumë”, tha Frank për transmetuesin televiziv BFMTV.
Mjekët thonë se trupi i Frankut nuk kishte refuzuar lëkurën, meqë dhuruesi është gjenetikisht identik.

Scheid: Rrjetet kibernetike të NATO-s sulmohen rreth 500 herë çdo muaj

0

Drejtori i Përgjithshëm i Agjencisë së NATO-s për Komunikim dhe Informacion, Kevin Scheid tha se Aleanca çdo muaj po goditet nga rreth 500 sulme kibernetike, shkruan (AA).
Në Konferencën Vjetore të Agjencisë Evropiane të Mbrojtjes (EDA) në Bruksel, Scheid njoftoi për aktivitetet e kësaj aleance në fushën e mbrojtjes kibernetike.
Ai theksoi rolin kyç të ndarjes së informacioneve për zhvillimin e aftësive të shteteve në fushën e mbrojtjes kibernetike. Scheid tha se i kushtojnë rëndësi bashkëpunimit të NATO-s me Bashkimin Evropian (BE) në këtë fushë.
Duke i krahasuar sulmet kibernetike me cunamin, Scheid tha se për këtë arsye sistemet e paralajmërimeve të hershme kanë rëndësi jetike.
“Rrjetet kibernetike të NATO-s sulmohen rreth 500 herë çdo muaj”, thotë Scheid, duke mos dhënë informacione për burimin e sulmeve.
NATO, përveç ajrit, tokës dhe detit edhe fushën kibernetike e vlerëson si një fushë ushtarake.
Në takimin e Ministrave të Mbrojtjes të NATO-s të organizuar në fillim të këtij muaji, u mor vendimi për themelimin e një Qendre të operacioneve kibernetike, për rritjen e luftës ndaj sulmeve kibernetike.

Këshilla për të lehtësuar dhimbjet e fytit

Si shkak i rënies së temperaturave, dhimbjet e fytit bëhen më të shpeshta gjatë kësaj periudhe. Krahas trajtimeve specifike mjekësore, janë edhe një sërë këshillash të thjeshta praktike që mund të zbatojmë gjatë përditshmërisë për të lehtësuar simptomat e shkaktuara nga dhimbjet e fytit. Konkretisht, bluzat e bardha të QSUT-së thonë se kur kemi të bëjmë me dhimbje të fytit, duhet që të konsumohen sa më shumë lëngje. Kjo pasi hidratimi i mirë i organizimit, ndihmon në uljen e viskozitetit të mukusit nëpër rrugët e frymëmarrjes, duke siguruar kështu edhe pastrimin më të lehtë të tij.
Një tjetër rekomandim për këto raste ka të bëjë edhe me përdorimin e gargarave me ujë të ngrohtë dhe kripë. Për këtë mjafton të merrni rreth 240 mililitra ujë të ngrohtë, të shtoni në të një të dytën e lugës së çajit me kripë. Kjo përbërje ndihmon në zbutjen dhe pastrimin e mukusit të mbledhur në rrugët respiratore.
Ndihmë në qetësimin e këtyre dhimbjeve jep edhe përdorimi i tabletave të ndryshme, apo karameleve, të cilat duhet të jenë pa përmbajtje sheqeri. Këto të fundit ndihmojnë në çlirimin e fytit, duke qenë se stimulojnë sekretimin e pështymës, e cila më pas ndihmon në shpëlarjen e fytit.
Për shumë pacientë shfaqet i nevojshëm edhe përdorimi i qetësuesve të dhimbjeve. Konkretisht, bëhet fjalë për qetësuesit analgjezikë, siç janë paracetamoli ose ibuprofeni, që ndihmojnë në lehtësimin e dhimbjeve të fytit gjatë përcjelljes.
Duhet të bëni kujdes edhe me zërin. Në rastet kur ju jeni me laringit duhet që të mos flisni shumë, pasi në të kundërt mund të shkoni deri në humbje të përkohshme të zërit tuaj. Po ashtu edhe shmangia e ndotësve të ajrit, luan një rol të rëndësishëm në lehtësimin dhe kalimin më të shpejtë të dhimbjeve të fytit. Këshillohet që të mos konsumoni duhan gjatë kësaj kohe, si dhe të mos qëndroni në ambiente që janë të mbytura nga tymi, apo gazra të tjerë ndotës.
Duhet të bëni kujdes edhe me lagështirën dhe thatësinë e ambientit. Ajri nuk duhet të jetë shumë i thatë. Duke ajrosur ambientet herë pas here, si dhe duke mbajtur lagështirën në nivelin e duhur, ndihmoni në parandalimin e tharjes së mukozës në rrugët e frymëmarrjes.
Nëse dhimbja e fytit zgjat për shumë ditë, atëherë duhet të paraqiteni detyrimisht tek një mjek specialist për të marrë medikamentet e nevojshme për lehtësimin e dhimbjeve të forta të fytit. Vlen të përmendet se përdorimi i antibiotikëve duhet të nisë vetëm pasi të jetë përshkruar në recetë nga mjeku specialist, e jo duke shkuar direkt e në farmaci, sikundër ndodh rëndom.
Për të lehtësuar dhimbjet e fytit duhet:1. Të konsumoni sa më shumë lëngje, hidratimi ndihmon në pastrimin e rrugëve të frymëmarrjes.
2. Përdorni gargara me ujë të ngrohtë për të zbutur dhe pastruar mukozën në rrugët respiratore.
3. Përdorni tableta freskuese, ose çamçakëzë pa sheqer.
4. Duhet të përdorni analgjezikët për të qetësuar dhimbjet.
5. Kujdesuni për lagështirën që mund të keni ambienti.
6. Kujdesuni për zërin tuaj, veçanërisht nëse jeni me laringit.
7. Shmangni ndotësit e ajrit, si dhe konsumin e duhanit.
8. Antibiotikët duhen përdorur vetëm sipas recetës së përshkruar nga mjeku specialist.

Berluskoni kërkon rikandidimin në gjykatën e Strasburgut, e gjykon dhe një shqiptar

0

Gjykata e të Drejtave të Njeriut në Strasburg ka nisur dje shqyrtimin e rekursit të prezantuar 4 vite më parë nga ish kryeministri italian Silvio Berluskoni kundër ligjit italian Severino i miratuar më 2012 e që e ndalon rikandidimin e Berluskonit në zgjedhjet e ardhshme politike.
Sipas këtij ligji ndalohet kandidimi për në dhomën e Deputetëve e në Dhomën e Senatit të Parlamentit Italian të personave me një dënim prej më shumë se dy vjet për korrupsion, përvetësim e zhvatje.
Ish kryeministri Berluskoni në maj të 2013 është dënuar nga drejtësia italiane me 4 vjet heqje lirie për mashtrim fiskal të shoqërisë së tij Mediaset.
Dje në Gjykatën e Strazburgut në praninë e mbi 550 gazetarë të akredituar nga e gjithë bota ka nisur seanca e parë gjyqësore ndaj rikursit të ish kryeministri italian me shpresën e tij për të fituar të drejtën e rikandidimit në zgjdhjet e ardhshme të 2018.
Në trupin gjykues në Gjykatën e Strasburgut drejtuar nga kryetarja Angelika Nussberger merr pjesë dhe gjykatësi shqiptar Ledi Bianku.
Ai ka qënë nga të parët që ka marrë fjalën duke hedhur mjaft dyshime mbi vendimin e moskandidimit të Silvio Berluskonit në zgjedhjet politke.
Gjykatësi Bianku ka sjellë në vëmendje rastin e senatorit italian Augusto Minzolini i cili dhe pse i dënuar nga drejtësia italiane është sot anëtarë i Dhomës së Senatit të Parlamentit italian, ndërsa ish kryeministrit italian i mohohet kjo e drejtë. Gjykatësi shqiptar hodhi në diskutim cështjen mbi kriteret e vendimit e përdorueshmërinë e ligjit Severino për qëllime politike.
Pro rekursit të Silvio Berluskonit shprehet dhe gjykatësi portugez Paulo Pinto de Albuquerque i cili ka hedhur pyetje mjaft të mprehta e të qarta n dja vendimit të marrë për moslejimin e kandidimit të Silvio Berluskonit ne politikë.
“Pse, pyet gjykatësi portugez, Dhoma e Senatit zëvendësoi relatorin i cili më parë ishte shprehur kundër dekadencës së Silvio Berluskonit? Pse votimi ndaj vendimit të kandidimit o jo të Berluskonit u zhvillua i hapur në Dhomën e Senatit kur ligji e parashikon të jetë votim i feshehtë? Cili është ndryshimi midis mungesës së të drejtës së parashikuar nga kodi penal dhe pasmundësisë për rikandidim i parashikuar nga Ligji Severino?”
Seanca e parë në Strazburg e rikursit të ish kryeministrit Berluskoni duket se shkon në favor të avokatëve të tij mbrojtës të cilët kanë deklaruar padrejtësinë e vendimit të marrë nga Senati italian për moskandidimin e Silvio Berluskonit në politikë.
“Një Senat, shprehet avokati Edwuard Fitzgerald, i cili qe i përbërë në shumicën e tij nga kundërshtarët politikë të Berluskonit.”
Ndërsa nga ana tjetër qeveria italiane me përaqësuesit e saj në Strasburg deklaron se “është rspektuar vetëm e drejta ligjore. Vendimi për moskandidmin e Berluskonit nuk ka qënë arbitrar por ka respektuar procedurën dhe të gjitha të drejtat e parashikuara nga ligji.”